Buxheti, maji konfirmon krizën me arkëtimet
15/06/2011 08:10
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
Për qeverinë shqiptare bëhet akoma edhe më e vështirë ruajtja e balancave të buxhetit, pasi të dhënat e fundit konfirmuan dështimin me menaxhimin e të ardhurave dhe shpenzimeve.
Ministria e Financave raportoi dje të dhënat paraprake mbi situatën financiare të arkës së shtetit, sa i takon muajit maj, ku mësohet se të ardhurat në total, në raport me vitin e kaluar, kanë pësuar një rritje me 2 miliardë lekë. Sa u takon të ardhurave nga tatimet dhe doganat, kemi një rritje prej 4 miliardë lekësh, gjithnjë në raport me vitin 2010, si 5-mujor, ose 3 për qind më shumë.
Në rast se e llogarisim me inflacionin, që në muajin maj ishte 4.2 për qind, diferenca pozitive e të ardhurave humbet peshën. Kjo do të thotë se jemi në të njëjtat nivele arkëtimesh si një vit më parë, me asnjë përmirësim në menaxhimin e taksave, kur në fakt parashikimet ishin për një rritje të madhe.
Lidhur me realizimin e të ardhurave në raport me planin e këtij viti, ben te ditur “Shqip”, ministria nuk jep asnjë të dhënë, për shkak se treguesit rezultojnë me humbje.
Top Channel
