Pak më shumë se 50 për qind e opinionit publik botëror beson se Osama bin Laden ka vdekur me të vërtetë.
Kështu thotë një sondazh i kompanisë DOXA, e cila ka intervistuar mbi 21 mijë persona në 25 vende të botës.
Pyetjes “Personi i vrarë a është me të vërtetë Bin Laden?”, vetëm 53% i janë përgjigjur “po”, ndërsa 23 për qind kanë thënë”jo”.
Osama bin Laden u vra më dy maj në rezidencën e tij në Abotabad të Pakistanit, nga ushtarët e njësisë elitë amerikane Navy Seals.
Operacioni i komandove shkaktoi një tension mes SHBA dhe Pakistanit, për shkak se autoritetet amerikane nuk njoftuan kolegët pakistanezë për operacionin, nga frika e ndonjë rrjedhjeje informacioni.
Nga ana tjetër, duket se qeveria e Islamabadit e ka nxjerrë inatin në ditët e fundit, pasi ka arrestuar pesë informatorë që ndihmuan CIA-n në lokalizimin e strehës së kryeterroristit.
Top Channel
