Të paktën 15 civilë janë vrarë sot në qytetin e Rastanit, në Siri, gjatë operacioneve ushtarake të vendosura nga Damasku në prag të manifestimeve të reja kundër regjimit.
Lajmin e bëjnë të ditur mediat ndërkombëtare, të cilat citojnë aktivistë për të drejtat e njeriut që ndodhen pranë vendit të ngjarjes.
Sipas bilanceve të ndryshme të aktivistëve, civilët e vrarë që prej së dielës në zonën e Homsit, ku përfshihet edhe Rastani, janë nga 60 deri në 90.
Ngjarja që tërhoqi më shumë vëmendje nga Siria ishte vrasja e një djali 13-vjecar, pasi u arrestua dhe u torturua nga forcat e policisë.
Për këtë ngjarje, kryeministri australian Kevin Rud kërkoi nxjerrjen para drejtësisë të presidentit sirian Bashar al Assad, që refuzon të heqë dorë nga pushteti.
Top Channel
