NATO ka vendosur sot të zgjasë për 90 ditë të tjera misionin ushtarak në Libi, të koduar me emrin “Mbrojtësit e Bashkuar”.
“Me këtë vendim NATO dhe partnerët e saj i dërgojnë një mesazh të qartë kolonelit Muammar Gaddafi”, ka deklaruar sekretari i përgjithshëm i Aleancës, Anders Fogh Rasmussen.
“Jemi të vendosur të vazhdojmë operacionet tona për të mbrojtur popullin e Libisë dhe të vazhdojmë përpjekjet për të implementuar mandatin e OKB-së”, ka theksuar ai.
Rasmussen ka nënvizuar gjithashtu se zgjatja e misionit, që fillimisht ishte caktuar për 90 ditë, i jep një mesazh të qartë edhe popullit libian, se marrëdhëniet e tij me aleatët do të vazhdojnë të jenë solide.
“Dalja nga skena e Gaddafi-t është vetëm cështje kohe”, ka shtuar më tej sekretari i përgjithshëm i Aleancës së Atlantikut të Veriut.
Top Channel
