![](https://top-channel.tv/wp-content/uploads/2024/06/4054_sd-800x450.jpg)
Qytetarët sirianë, kryesisht ata nga zonat e prekura nga ndërhyrjet ushtarake, kanë vendosur të marrin në duar armët për të forcuar rezistencën e tyre.
Lajmin e bëjnë të ditur mediat e huaja, sipas të cilave të parët që kanë ndërmarrë këtë veprim kanë qenë banorët e Rastanit, qytezë në afërsi të Homsit.
Forcat e armatosura hynë të dielën në Rastan duke përdorur artiljerinë e rëndë dhe duke u mbrojtur përmes tankeve të armatosura.
Vendimi i qytetarëve për të reaguar vjen pas atij të qeverisë siriane për të vazhduar represionin ndaj protestuesve anti-regjim.
Ndërkohë, presidenti Bashar al Assad vazhdon të refuzojë tërheqjen e tij nga pushteti, duke i cilësuar protestuesit si grupe terroriste që synojnë destabilizimin e vendit.
Top Channel