Jemen, 50 të vrarë në qytetin Taiz
31/05/2011 16:15
Vdekja e liderit më të lartë të grupit militant/ Çfarë mund të bëjnë më pas Hezbollahu, Izraeli dhe Irani? 28/09 23:01
Mbi 50 persona janë vrarë në demonstratat e zhvilluara në qytetin jugor të Jemenit, Taiz, që prej ditës së diel, kanë bërë të ditur aktivistë të OKB-së për të drejtat e njeriut.
Informacionet e fundit, që mbeten për t’u verifikuar, sugjerojnë gjithashtu se qindra persona të tjerë janë plagosur në këtë qytet.
Të paktën tre persona më shumë mbetën të vrarë në Taiz, pasi forcat e sigurisë hapën zjarr ndaj protestave që rifilluan ditën e sotme.
Ndërkohë që në kryeqytetin Sana, luftime të reja i kanë dhënë fund armëpushimit të vendosur mes krerëve të fiseve dhe forcave të presidentit Saleh.
Ky i fundit, që qeveris që prej vitit 1978, refuzon të tërhiqet nga pushteti pavarësisht muajve të tërë protestash kundër regjimit të tij dhe frikës për një luftë civile.
Top Channel
