Mlladic, proces të njëjtë me Karaxhic?
30/05/2011 18:45
Procesi gjyqësor kundër ish-gjeneralit serbo-boshnjak Ratko Mlladic mund të bashkohet me atë që po zhvillohet ndaj ish-liderit serbo-boshnjak, Radovan Karaxhic.
Lajmin e bën të ditur zyra e shtypit e prokurorit të gjykatës së Hagës, duke saktësuar se aktualisht po shqyrtohen të gjitha mundësitë.
Ndërkohë, avokati i Mlladic ka paralajmëruar se do të apelojë vendimin e gjykatës serbe për dërgimin e tij në Hagë.
Madje, ai ka kërkuar një grup mjekësh, si të shëndetit fizik dhe të atij mendor, për të vlerësuar gjendjen shëndetësore të ish-gjeneralit.
Karaxhic dhe Mlladic përballen me akuza analoge, si krime lufte, krime kundër njerëzimit dhe genocid ndaj popullsisë joserbe të Bosnjes.
Top Channel