Presidenti i Afrikës së Jugut, Jacob Zuma ka mbërritur në kryeqytetin e Libisë, Tripoli, për të biseduar me kolonelin Muammar Gaddafi, në tentativë për të gjetur një zgjidhje diplomatike të konfliktit.
Një zëdhënës ka deklaruar se objektivi kryesor është arritja e një armëpushimi dhe ka mohuar diskutimin e një “strategjie daljeje” me liderin libian.
Ndërsa një nga këshilltarët e kolonelit Gaddafi ka deklaruar për BBC se nuk ka shpresa që ai të tërhiqet, duke plotësuar kështu kërkesën e rebelëve.
Ditën e diel, duke drejtuar Kongresin Kombëtar Afrikan, Zuma dënoi sulmet ajrore të NATO-s në Libi.
“Ne bashkohemi me vendet e tjera të kontinentit dhe me të gjithë njerëzit që duan paqen, në dënimin e bombardimeve ajrore të forcave perëndimore”, tha Zuma.
Top Channel