Khodorkovskiy, nesër vendos Strazburgu
30/05/2011 19:20
FOTO/ Tensionet në Lindjen e Mesme, qëllohet makina e ekipit të Top Channel në Izrael
05/10 23:01
Do të jetë Gjykata evropiane e të drejtave të njeriut që do të vendosë nesër nëse ish-pronari i gjigandit të naftës “Yukos”, Mikhail Khodorkovskiy ka qenë ose jo viktimë e një persekutimi politik.
Gjyqtarët e Gjykatës së Strazburgut do të publikojnë vendimin mbi apelin e paraqitur nga Khodorkovskiy në vitin 2004, para se të shpallej fajtor për evazion fiskal dhe të fillonte dënimin prej 8 vjetësh.
Në fund të vitit 2010 ndaj tij nisi procesi i dytë, që i zgjati dënimin edhe me 6 vjet të tjera burg.
Vendet perëndimore dhe Shtetet e Bashkuara kritikuan vendimin e gjykatës ruse, duke e cilësuar atë si të motivuar politikisht.
Top Channel
