Islandë, vullkani ndalon aktivitetin
30/05/2011 16:25
Rrjedhja e vullkanit Grimsvotn në Islandë ka përfunduar, ka bërë të ditur një gjeolog i Institutit Meteorologjik Islandez.
Grimsvotn kishte filluar të dilte mbrëmjen e 21 majit, duke lëshuar shtëllunga të larta tymi dhe hiri, që cuan në bllokimin e shumë aeroporteve evropiane.
Vulkani, i cili ndodhet në akullnajën e Vatnjokullit, në jug-lindje, është më aktivi i ishullit, por shpërthimet e tij janë afatshkurtër.
Megjithatë, në vitin 1873 rizgjimi i tij zgjati plot 7 muaj. Për fat të mirë në atë kohë nuk kishte ende aeroporte.
Top Channel