I dyshuari si kreu i krahut ushtarak të degës irakene të Al Kaedës është arrestuar nga ushtria irakene.
Mekhlef Mohamed Hussein al-Azzaui, i njohur ndryshe si Abu Raduane, është arrestuar në natën mes së martës dhe së mërkurës.
Sipas mediave ndërkombëtare, operacioni i ushtrisë irakene u krye rreth 100 kilometra në veri të Bagdadit.
Bashkë me Al Azzaui-n u arrestuan edhe tre eksponentë të tjerë të rëndësishëm të degës irakene të organizatës terroriste.
Që pas vrasjes së Osama bin Laden, kreu i padiskutueshëm i rrjetit, janë vrarë dhe arrestuar eksponentë të rëndësishëm të Al Kaedës në Jemen, Tunizi dhe Algjeri.
Të jetë një rastësi, apo një ofensivë e orkestruar nga Shtetet e Bashkuara kundër drejtuesve kyc të organizatës?
Top Channel