Pas publikimit të Top Channel të debateve të mbledhjes së 14 shkurtit
2007, ish-kryetari i Komisionit Qendror të Zgjedhjeve Clirim Gjata
tregon se në atë mbledhje është e vërtetë që është rrëzuar procedura e
propozuar nga LSI, e cila ka kerkuar qe fletet e votimit te hedhura
gabimisht jo ne kutine e duhur te konsideroheshin te vlefshme.
Por sipas Gjates, me kodin e vitit 2007 ky projektudhezim duhet te shqyrtohej nga KZQV-ja e Tiranes.
“Eshte ngritur si problem dhe mund te jete trajtuar ne disa pika, por nuk eshte votuar. Meqenese nuk kishte asnje zgjidhje ligjore, nuk kishte patur asnje akt, kjo u la ne dore te Komisioneve Vendore. Ky problem nuk u trajtua me”, tha Gjata.
Ne kete mbledhje te zhvilluar me 14 shkurt te vitit 2007, anetaret e Komisionit Qendror te Zgjedhjeve kane vendosur te rrezonin kete procedure.
Madje, nje nga anetaret e KQZ, Klement Zguri i PR-së deklaroi se fletet e hedhura ne kuti te gabuara duhet te konsideroheshin te pavlefshme pasi do te krijohej peshtjellim dhe konflikt.
Nderkaq, zoti Gjata kujton se kodi zgjedhor ka ndryshuar qe atehere, edhe pse shton se sot ka vakum ligjor per raste te tilla.
Top Channel
