Kryetari i Prezencës së OSBE-së në Shqipëri, Ambasadori Eugen Wollfarth,
Ambasadori i Shteteve të Bashkuara të Amerikës, Alexander Arvizu dhe
Kreu i Delegacionit të Bashkimit Evropian, Ettore Sequi dolën me një
deklaratë të përbashkët për zgjedhjet e 8 majit.
“Qytetarët duan dhe meritojnë qartësi rreth rezultatit të zgjedhjeve. Është thelbësore që rezultatet zyrtare paraprake të hidhen në tabelë me kujdes nga Komisioni Qendror i Zgjedhjeve dhe të shpallen me shpejtësi”, thuhet në deklaratë.
Sipas ambasadorëve është tepër e rëndësishme që procedurat për zgjidhjen e ankesave të jenë të qarta dhe të jenë në përputhje të plotë me dispozitat ligjore të Shqipërisë, përfshirë Kodin Zgjedhor.
“Presim që të dyja palët të ushtrojnë vetëpërmbajtje dhe të respektojnë plotësisht procesin demokratik”, thanë ambasadorët.
Top Channel
