Pezullohet numërimi në KZAZ-në e njësisë numër 10 në Tiranë, pasi ka patur tension mes numëruesve në sallë.
Sipas raportimeve nga gazetari TCH i pranishëm në terren, mësohet se Partia Socialiste ka kërkuar zëvendësimin e 2 përfaqësuesve të saj në këtë KZAZ.
Edhe pas këtij vendimi të palës socialiste, dy përfaqësuesit, ai i Partisë Demokratike dhe ai i LSI-së kanë vijuar të numërojnë.
Kjo ka detyruar kryetaren e kësaj KZAZ-jë të pezullojë numërimin. Ky vendim ka sjellë reagimin e përfaqësuesve të LSI-së dhe PD-së të cilët kanë kërkuar vijimin e numërimit.
Në KZAZ-në e njësisë 10 ndodhen edhe dy inspektorë të KQZ-së.
Bllokohet procesi i numërimit të votave edhe në KZAZ-në e njësisë numër 6. Sipas gazetares së TCH në terren, bllokimi ka ardhur kur një përfaqësues i Partisë Socialiste ka kërkuar pushim dhe zëvendësim pasi ndjehej i lodhur. Kjo ka shkaktuar reagimin e grupeve të tjera të numëruesve të cilët kanë kërkuar e numërimit.
Top Channel
