SHBA, kompanitë e duhanit fitojnë gjyqin
30/04/2011 11:45
Rusia sulm masiv ndaj infrastrukturës energjetike në Ukrainë/ Miliona njerëz pa energji elektrike 28/11 18:37
Gjashtë kompanitë më të mëdha të duhanit në SHBA kanë mposhtur në një
proces gjyqësor spitalet që kërkonin shpërblim për trajtimin e
pacientëve me sëmundje të shkaktuara nga duhani.
37 spitale në shtetin e Misurit kishin paditur kompanitë duke i cilësuar produktet e tyre si “tepër të rrezikshme”.
Spitalet kërkonin mbi 455 milionë dollarë rimbursim për trajtimin e duhanpirësve të pasiguruar, të cilët nuk kishin paguar dot për ndihmën mjekësore.
Spitalet trajtojnë shumë persona të varfër, që s’kanë mundësi të paguajnë. Mjekët deklarojnë se etika mjekësore u kërkon atyre të mjekojnë këdo, pavarësisht mundësisë për të paguar.
Në cështjen në fjalë, spitalet deklaruan se kompanitë e duhanit manipuluan përmbajtjen e nikotinës në cigare dhe ndryshuan efektet e duhanit tek shëndeti. Por juria e hodhi poshtë pretendimin e tyre.
Top Channel
