NATO gabon, vret 11 rebelë
28/04/2011 02:05
Lufta është drejt fundit? Burimi për CNN: Marrëveshja e armëpushimit midis Izraelit dhe Hezbollahut është shumë afër 25/11 10:15
Një gabim i NATO-s ka vrarë 11 luftëtarë rebelë dhe ka plagosur dy të tjerë në qytetin e Misuratës, ku pas disa ditësh qetësie, kanë rinisur luftimet me forcat e Gedafit.
Dy të mbijetuarit nga sulmi, të shtruar në spitalin e Misuratës, thanë për reporterët ndërkombëtarë se ata ndodheshin në zonën bregdetare të qytetit pranë një fabrike celiku kur janë bombarduar nga një avion i NATO-s.
Por sulmi fatal nuk është konfirmuar ende nga Aleanca. Zëdhënësi i NATO-s tha se nuk kishte dijeni për incidentin në fjalë dhe se për ta verifikuar atë duhen pritur edhe disa orë.
Forcat pro-qeveritare rinisën ditën e martë bombardimet në qytetin e Misuratës të mbajtur prej muajsh nga rebelët. Por, sic thanë burimet rebele, nëse NATO nuk do të kishte bombarduar pozicionet e artilerisë së rëndë të Gedafit mbrëmjen e së martës, bombardimet që do të rrezikonin jetën e civilëve do të kishin vazhduar.
Top Channel
