Ferrari, revolucioni nis nga fabrika

Aerodinamika pritet të jetë pika ku drejtuesit e “kokëkuqes” do të punojnë më shumë për të kryer rinovimet e dëshiruara, por këtë herë modifikimi nuk do të kryhet në makinë, por diku tjetër.

Tuneli i erës që përdor Ferrari nuk është më me parametrat e kohës. I realizuar në vitin 1997 dhe me një vëllim pre 150 mijë metrash katror, kjo strukturë gjigante është më e vjetër dhe më pak e sofistikuar se impiantet që përdor Red Bulli (240 mijë metra katror, ndërtuar në 2005-n) apo McLareni, që përfundoi punimet në 2001-n.

Me Federatën Ndërkombëtare të Automobilizmit që ka ndaluar testimet gjatë sezonit të rregullt, për “kokëkuqen” është bërë edhe më e vështirë që të gjejë balancën e duhur aerodinamike, me parametrat teknikë që ka në dispozicion.

Aktualisht, turbinate e tunelit të erës nuk i lejojnë testimet në shpejtësi mbi 250 kilometra në orë, një avantazh që Red Bulli dhe McLareni e kanë në testime, ku mund të provojnë edhe shpejtësitë prej 300 km/h, që arrihen në pjesët e drejta të pistave.

Sipas “Mediset”, Ferrari po përgatit të kryejë një investim të rëndësishëm për modernizimin e tunelit të erës, por është vendoëur menjëherë në kritikë që këtë nuk e ka bërë që më parë.

Megjithatë, mbetet e qartë se ndërsa puna e inxhinjerëve mund të sjellë një makinë më të shpejtë në garën e ardhshme të Stambollit, revolucioni i vërtetë i “kokëkuqes” do të jetë ai që do të nisë nga impiantet ku ndërtohet makina.

Top Channel