Libi, artileri e rëndë ndaj Misratës
16/04/2011 14:35
Situatë e rënduar në Siri, forcat rebele marrin nën kontroll qytetin e dytë më të madh të vendit 30/11 09:51
Forcat besnike ndaj kolonelit Muammar Gaddafi kanë lëshuar mbi 100 raketa të shkatërrimit në masë në qytetin e Misratës, në atë që përbën ditën e tretë të bombardimit të rëndë të vatrës së vetme rebele në perëndimin e Libisë.
”Associated Press” njoftoi ngjarjen gjatë drekës, duke iu referuar fjalëve të një zëdhënësi të kryengritësve.
”Trupat e Gaddafi-t qëlluan me raketa të kalibrit të rëndë zonën industriale të qytetit herët në mëngjes, ndërsa të paktën 100 raketa u lëshuan. Nuk e dimë ende se sa kanë vdekur apo plagosur në këtë sulm”, deklaroi përfaqësuesi i rebelëve, Abdelbasset Abu Mzereiq.
Një ditë më parë, “Human Rights Watch” deklaroi se kishte prova që forcat e kolonelit kishin nisur të përdornin raketa thërrmuese, të ndaluara për dëmin e madh që arrijnë të shkaktojnë midis civilëve.
Mussa Ibrahim, një zëdhënës i qeverisë libiane, hodhi poshtë këto pretendime, duke thënë: “I sfidoj ata që të provojnë akuzat që ngrenë”.
Top Channel
