Spille, shkatërrohen ndërtimet pa leje
19/03/2011 00:15
Reshje shiu dhe temperatura të larta, ja si parashikohet moti këtë të martë 06/05 07:29
Me afrimin e sezonit turistik, Inspektoriati Ndërtimor Kombëtar ka zbritur në bregdetin e Spilles në Kavajë për të prishur ndërtimet pa leje në zonë.
Inspektorët kanë evidentuar 7 godina në ndërtim të cilat ndodhen në afërsi të brezit të pishave, por edhe bregut të detit.
Të gjitha objektet nuk kanë qenë të pajisura me dokumentacionin e nevojshëm tekniko-ligjor.
“Inspektoriati ndërtimor Kombëtar, në zbatim të projektit të qeverisë për ruajtjen e zonave turistike, ka evidentuar 7 objekte shumëkatëshe pa leje dhe po bën ekzekutimin e tyre sipas detyrimit ligjor që ka”, deklaron kryeinspektori i Inspektoriatit, Erion Softa.
Gjatë punës për prishjen e tyre nuk ka patur reagime nga pronarët, të cilët mësohet gjithashtu se nuk e kanë ankimuar në gjykatë njoftimin paraprak për prishjen e objekteve disa katëshe të destinuara kryesisht për hoteleri.
Top Channel
