Kuvend, miratohet komisioni hetimor
17/03/2011 19:50
Reshje shiu dhe temperatura të larta, ja si parashikohet moti këtë të martë 06/05 07:29
Kuvendi miratoi me 116 vota pro, 1 kundër dhe 4 abstenime ngritjen e komisionit hetimor për veprimtarinë e Kuvendit. (UPDATE)
Kërkesa ishte depozituar nga socialistët dhe për ngritjen e komisionit ishte rënë dakort në konferencën e kryetarëve ditën e martë.
Objekti i këtij komisioni do të jetë hetimi i organeve drejtuese të Kuvendit për sa u përket detyrimeve që lindin nga zbatimi i Rregullores, hetimi i veprimtarisë së administratës, i funksionimit të stafit ndihmës, etj.
Komisioni hetimor do të përbëhet nga 11 deputetë, 5 për pakicën dhe 6 për shumicën parlamentare. Partinë Socialiste do ta përfaqësojnë deputetët Erjon Braçe, Ilir Beqja, Arben Isaraj, Damian Gjiknuri e Saimir Tahiri.
Kurse shumicën Jemin Gjana, Edmond Spaho, Arenca Trashani, Fatos Beja, Edi Paloka e Paulina Hoti.
Kohëzgjatja e këtij komisioni do të jetë 3 muaj. Kjo kërkesë e opozitës u formulua pas ngritjes së komisionit hetimor për ngjarjet e 21 janarit.
Por nuk është hera e parë që opozita akuzon kryetaren e Kuvendit për keqfunksionimin e Parlamentit, akuza që kanë gjetur vend edhe në raportin e fundit të Komisionit Europian për Shqipërinë.
Top Channel
