Dita e Verës, Berisha në Elbasan

Kryeministri Berisha përmendi disa dhjetra investime të kryera nga qeveria e tij gjatë pesë vieteve të fundit, por vlerësoi si më të madhin dhe më të kushtueshmin ndërtimin e autostradës me tunel Tiranë-Elbasan.

“Autostrada e re bashkon Elbasanin me Tiranën, i con ato në një treg unik dhe më të fuqishmin në vend dhe rajon. Autostrada shkurton rrugën drejt Tiranës për qytetarët e Sarandës e Konispolit, Delvinës e Gjirokastrës, etj. Është segmenti i parë e më i rëndësishëm i bordit të jugut”, deklaroi Berisha.

Në ditën e Verës, kryeministri nuk është kursyer të flasë për zgjedhjet loakle të 8 majit, duke ftuar qyterarët jo vetëm të marrin pjesë masivisht në votime dhe të zgjedhin alternativën më të mirë, por dhe duke garantuar ata për respektimin e plotë të votës së tyre të lirë.

“Ne shkojmë në këto zgjedhje pasi sistemi i numërimit u faktua si sistemi më i saktë. Ne shkojmë në këto zgjedhje të vendosur, në respekt të plotë me njëri-tjetrin dhe të votojmë alternativën e vlerave, atë që vendos në epiqendër ju, qytetarë të Elbasanit dhe mbarë Shqipërisë”, u shpreh Berisha.

Dita e Verës ishte një fushatë e vërtetë elektorale për kryeministrin Berisha. Ai u shoqërua në vizitën e panairit tradicional të Elbasanit nga Durim Hushi, kandidati i LSI-së, ende i pashpallur zyrtarisht për bashkinë e Elbasanit dhe i pyetur nga gazetarët, nëse vitin tjetër do ta festonte në Tiranë ditën e Verës, kryeministri konfirmoi në ikje kandidaturën e Lulzim Bashës për bashkinë e Tiranës.

“Vitin tjetër kryebashkiaku i ri i Tiranës dhe ai i ri i Elbasanit do bëjnë një axhendë të përbashkët për të festuar ditën e verës. Kush tjetër përvec Bashës do të jetë”, tha Berisha.

Top Channel