Gjermani, shuplakë në fytyrë për myslimanët

Hans Peter Friedrich, i cili mori detyrën javën e kaluar pas një riformatimi të kabinetit, i ka hedhur pak benzinë zjarrit të ndezur lidhur me cështjen e emigracionit në vendin e tij, kur u ka thënë gazetarëve: “Islami në Gjermani nuk është dicka e mbështetur nga historia”.

Friedrich ishte duke folur lidhur me hetimet mbi vrasjen e dy ushtarëve amerikanë javën e kaluar në aeroportin e Frankfurtit.

I dyshuari, 21-vjecari kosovar Arid Uka, besohet se ka vepruar i vetëm por i nxitur nga besimi radikal tek Islami.

Ministri i Brendshëm përforcoi më vonë qëndrimin e tij, duke thënë se emigrantët duhet të jenë të ndërgjegjshëm për origjinat e krishtera të Gjermanisë dhe se duhet të mësojnë gjermanishten, “të parën dhe mbi të gjitha”.

Komentet e tij vunë në lojë fjalët e presidentit gjerman Christian Wulff, i cili në përpjekje për të futur sërish cështjen e integrimit, tha se Islami sot është pjesë e Gjermanisë, për shkak të 4 milionë myslimanëve që jetojnë atje.

Gjermania është vendi i dytë i Evropës perëndimore me popullsinë më të madhe islamike, pas Francës, si dhe me minoritetin më të madh turk.

Deklaratat e Friedrich u dënuan nga partitë e opozitës, Social Demokratët, të Gjelbërit dhe anëtarë të Partisë Liberal Demokrate të kancelares Angela Merkel.

Top Channel