Brenda dy muajve cmimi i bukës u rrit me 30 lekë në qytetin e Korcës. Një bukë 800 gramëshe kushton 100 lekë, duke pësuar një rritje të cmimit për të tretën herë radhazi për këtë vit.
Shtrenjtimi ka ndodhur paralelisht në të gjitha furrat e bukës, të cilat kane rritur cmimin për cdo produkt me 10-20 lekë, në vartësi të peshës.
Kjo rritje cmimesh kontestohet nga qytetarët për faktin se me të ardhurat e pakta nuk përballohet dot shtrenjtimi i ushqimeve në treg.
“1 mijë e bleva bukën, na i bënë rrumbullak. Ne nuk i përballojmë dot, këta e ngrenë përditë bukën”, deklaron një pensionist.
“Është shtrenjtë, shumë shtrenjtë. S’e përballojmë dot. Buka është e përditshme, ndërsa me të tjerat manovron”, thotë një tjetër.
Nga ana e tyre prodhuesit e bukës e justifikojnë rritjen e cmimit me shtrenjtimin e miellit.
Top Channel
