Pacolli u zgjodh sipas kornizës së UNMIK-ut
01/03/2011 10:20
Protestë masive anti-Vuçiç në Beograd/ Qytetarët kërkojnë drejtësi për 15 viktimat e Novi Sadit 17/01 23:00
Behgjet Pacolli do të ishte president legjitim nëse do të ishte ende në fuqi korniza kushtetuese që UNMIK ka aplikuar gjatë kohës që qeveriste Kosovën.
Kështu thotë një analizë e kryer nga një grup ekspertësh evropianë, e publikuar në numrin e sotëm të së përditshmes kosovare “Koha Ditore”.
Sipas analizës, ka një dallim mes procedurave për zgjedhjen e presidentit sipas Kushtetutës së Kosovës dhe atyre të kornizës kushtetuese të UNMIK-ut.
Ka qenë kjo e fundit, vlerësojnë ekspertët, që ka mundësuar mbajtjen e raundit të tretë të votimit me një kandidat për postin e kreut të shtetit, ndërkohë që Kushtetuta kosovare nuk e lejon.
Dy presidentët e mëparshëm, Ibrahim Rugova dhe Fatmir Sejdiu janë zgjedhur përmes kornizës kushtetuese, ndërsa Pacolli duhej të zgjidhej përmes Kushtetutës së Kosovës, vlerëson më tej analiza.
Top Channel
