AAK: Zgjedhja e Pacollit në Kushtetuese

Aleanca për Ardhmërinë e Kosovës konfirmoi se do ta dërgojë cështjen në Gjykatën Kushtetuese.

“Do procedojmë me hapat e duhur drejt Gjykatës Kushtetuese. Kjo pritet të bëhet brenda afatit optimal e ligjor dhe presim mbështetjen e parive të tjera të opozitës”, ka deklaruar Ernest Luma, zëdhënës i AAK-së.

Ndërsa Lidhja Demokratike e Kosovës është shprehur se po e konsulton atë me ekspertë të fushës.

Ndërkohë, Xhavit Shala, profesor i së drejtës kushtetuese është shprehur skeptik për këtë nismë të opozitës, pasi sipas tij votimi i Pacollit arriti kuorumin e nevojshëm.

“Duhet ta përcaktojmë se cila nuk është dispozitë kushtetuese. Është nëse kandidati nuk i ka arritur votat. Por në raundin e tretë kandidati ka marrë 62 votat që konsiderohen valide”, ka deklaruar Shala.

Ndërsa përfaqësuesi i Vetëvendosjes, Glauk Konjfuca ka bërë të ditur se partia e re po mbledh fakte për shkeljet që janë bërë në total, që nga 18 shkurti kur Krasniqi mandatoi Thacin për të formuar qeverinë e re, kur ai s’kishte formuar ende koalicionin qeverisës.

Top Channel