Franca, skeptike për koalicionin PDK-AAK
03/02/2011 09:20
U përfshi nga flakët disa ditë më parë, nis sërish prodhimin fabrika Comodita në Gjakovë 12/01 21:26
Ambasadori francez në Kosovë, Jean Francois Fitou është shprehur skeptik ndaj mundësisë së krijimit të koalicionit mes PDK-së dhe AAK-së, duke qenë se kryetari i kësaj të fundit ndodhet në Hagë.
Në një intervistë për të përditshmen kosovare “Zëri”, Fitou ka deklaruar se roli i ndërkombëtarëve është t’u thonë kosovarëve të vërtetën dhe të mos përzihen në formimin e qeverisë.
Megjithatë, ai ka vlerësuar se përfshirja e personave nën hetim në institucionet e ardhshme nuk është gjë e mirë për Kosovën.
“Kosovës i duhen udhëheqës që mendojnë për vendin dhe jo për problemet e tyre individuale”, ka deklaruar diplomati francez.
Më tej, ai ka paralajmëruar se këtë vit mund të ketë arrestime nga ana e misionit EULEX në kuadër të hetimeve që janë duke u zhvilluar.
Top Channel
U përfshi nga flakët disa ditë më parë, nis sërish prodhimin fabrika Comodita në Gjakovë 
