Policia: Asnjë “çadër†e gjetur
01/02/2011 15:25
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
Numri i protestuesve të 21 janarit të ndaluar nga Policia e Shtetit, nën akuzën e kundërshtimit dhe goditjes me sende të forta ndaj punonjësve të Policisë së Shtetit i ka kaluar të 150-t.
Një pjesë të madhe të tyre u është shtuar edhe akuza e shkatërrimit të pronës private për shkak të dëmtimit të një numri automjetesh dhe djegies së tyre.
Por asnjërit prej protestuesve të ndaluar nga Policia e Shtetit nuk u është gjetur ndonjë armë zjarri.
Policia nuk ka referuar ende si provë materiale ndonjë armë, pavarësisht se duke u bazuar në pamjet filmike që disponon ka arritur të ngrejë dyshime, për dy prej tyre, njeri prej të cilëve i arrestuar dhe tjetri në kërkim.
Në komisionin hetimor parlamentar kryeministri i vendit u shpreh se ka prova se demonstruesit kishin ardhur në protestë me pajisje me armë shumë të veçanta, me çadra pistoletë, me stilolapsa pistoletë, me pistoleta e mjete të ndryshme deri makina me tritolë.
Por edhe në pamjet filmike, as policia nuk ka arritur të ngrejë ndonjë dyshim të mundshëm nga deklarata e kreut të qeverisë shqiptare përveç shtetasit Gjin Ndreu, pamjet filmike të të cilit policia i publikoi edhe për median.
Akuza e armëmbajtjes pa leje është referuar ndaj Prokurorisë vetëm në një rast, atë të Ndreut, duke u bazuar në këto prova filmike të ofruara nga policia.
Ndërkohë që në asnjë shfaqje tjetër filmike nuk paraqitet asnjë armë luftarake e sofistikuar, e përmendur në komision si çadër pistoletë, stilolaps pistoletë apo thikë e eksplozivë.
Top Channel
