Kryeministri irlandez, Brian Cowen ka deklaruar se nuk do t’i kontestojë zgjedhjet e ardhshme të përgjithshme.
Më herët këtë muaj, Cowen u tërhoq nga posti i liderit të partisë Fianna Fail, por tha se do të vazhdonte të drejtonte qeverinë.
Javën e kaluar, ish-ministri i Jashtëm Micheal Martin u zgjodh lideri i ri i partisë. Mbrëmjen e së hënës, Cowen deklaroi se Martin nuk i kishte kërkuar atij që të tërhiqej.
Ai do të vazhdojë të qendrojë në zyrën e tij gjatë fushatës elektorale. Zoti Cowen pritet të shkrijë parlamentin ditën e sotme dhe data për zgjedhjet do të caktohet më vonë gjatë këtij muaji.
Top Channel
