Korçë, zgjidhet kreu i Omonias
31/01/2011 12:25
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Zgjedhjet e Omonias në Korçë kanë rikonfirmuar në postin e kryetarit të kësaj organizate të pavarur kreun Naum Disho.
I përfolur për skandalin e Boboshticës dhe nën një proçes gjyqësor me akuzën për veprën penale të dhunimit të varreve të këtij fshati ku u ndërtua memoriali për ushtarët grekë, Naum Disho ka vendosur sërish të rikandidojë në zgjedhjet rajonale për kreun e Omonias.
Ai është shpallur fitues për të drejtuar për tre vjet organizatën e cila nuk ka varësi nga Omonia zyrtare e drejtuar nga Vasil Bollano.
Përballë Dishos në garë për postin e kryetarit të Omonias ka qenë një kandidate femër Eleni Kotelli, mësuese në shkollën greke.
Zgjedhjet për kreun e ri të organizatës së minoritetit grek kanë ardhur pas zgjedhjeve të kryera nga një tjetër organizatë që përfaqëson interesat e minoritetit grek dhe pikërisht Omonias së Degës së Korçës ku u zgjodh Ligoraq Karamelo.
Top Channel
