Chirac nuk vuan nga Alzaimeri
31/01/2011 15:10
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Gruaja e ish-presidentit francez, Jacques Chirac, hodhi poshtë spekulimet se bashkëshorti i saj është duke vuajtur nga sëmundja e alzaimerit.
Bernadette Chirac deklaroi në një radio pariziene se ndihet e “skandalizuar” nga këto thënie, të cilat vijnë vetëm një muaj përpara se ish-presidenti të paraqitet në gjykatë për akuzat e korrupsionit.
Zoti Chirac, president i Francës në vitet 1995-2007, dyshohet se ka bërë favorizime gjatë periudhës së tij si Kryetar Bashkie i Parisit, duke përfituar në total 2,2 milion euro në mënyrë të paligjshme.
Ditën e dielë, “Jornal du Dimanche” shkroi se 78-vjeçari ka probleme me kujtesën dhe se të dhënat sugjerojnë se ai është prekur prej Alzaimerit.
Top Channel
