Egjipt, me mijëra sfidojnë ushtrinë
29/01/2011 13:05
Sulmi izraelit, Irani kërkon seancë urgjente të Këshillit të Sigurimit të OKB-së 13/06 09:57
Me mijëra protestues janë duke sfiduar ushtrinë, ndërsa protestat hyjnë në një ditë të pestë tensioni dhe dhune në Egjipt.
Tanqe dhe forca të tjera ushtarake janë vendosur në rrugët e qyteteve kryesore, duke kërcënuar me përdorimin e forcës për shpërndarjen e grumbullimeve me njerëz.
Pavarësisht se në protestat e një dite më parë humbën jetën 18 persona, turmat kanë filluar të përplasen sërish me forcat e sigurisë në Kajro dhe Aleksandri, raportojnë mediat ndërkombëtare.
Sipas CNN, puna e gazetarëve të huaj është bërë shumë e vështirë, pasi autoritetet i pengojnë të filmojnë, u thyejnë kamerat dhe kanë bllokuar përdorimin e mjeteve të komunikimit si intereneti dhe celularët.
Njerëzit duken edhe më të revoltuar sot, pasi presidenti Mubarak shpërndau mbrëmjen e djeshme qeverinë, por pa plotësuar kërkesën kryesore, atë të largimit të tij personal.
Ndërkohë, qarkullojnë zëra se Ministri i deritanishëm i Industrisë, Racheed Mohamed Racheed, një figurë popullore në vend, do të zgjidhet si Kryeministri i ri i vendit.
Top Channel
