Rusia përshëndet miratimin e Start

Marrëveshja e arritur do të kufizojë potencialet bërthamore të dy vendeve, ndërsa rreth 30% e armëve të shkatërimit në masë do të shkatërrohen së shpejti.

Që Traktati të hyjë në fuqi është i nevojshëm edhe aprovimi i parlamentit rus, ku Partia Rusia e Bashkuar zotëron një maxhorancë të madhe dhe nuk duhet të jetë një problem të sigurojë votat e nevojshme.

Senati kaloi marrëveshjen me 71 vota pas 26 muajsh debatimi dhe Medvedev deklaroi: “Kjo është marrëveshja më domethënëse e kontrollit të armëve ndonjëherë. Ajo do ta bëjë më të sigurt botën që jetojmë. Shpresoj që edhe Duma Ruse të ndjekë shembullin e Senatit Amerikan”.

Sipas mediave ndërkombëtare, ratifikimi i marrëveshjes nga administrate Obama do të krijojë kushtet për ndërtimin e marrëdhënieve të reja më të ngrohta me Rusinë. Pushtimi që këta të fundit i bënë Gjeorgjisë në vitin 2008 shënoi atëherë një pikë të ulët në marrëdhëniet midis dy shteteve që nuk shihej që prej kohës së Luftës së Ftohtë.

Top Channel