Prej dy ditësh portat e lumit Drin, që buron në liqenin e Ohrit, janë hapur maksimalisht nga autoritetet maqedonase që menaxhojnë nivelin e ujërave të liqenit.
Për shkak të reshjeve niveli i liqenit ishte rritur ndjeshëm, duke rrezikuar disa zona në brigjet e tij.
Për këtë arsye, shkarkimet nga liqeni në Drinin e Zi jane pesëfishuar duke rritur ndjeshëm nivelin në këtë lumë, i cili më pas udhëton për në ujëmbledhësit e hidrocentralit të Spiljes, në Dibër të Madhe.
Edhe drejtuesit e këtij hidrocentrali kanë hapur portat duke bërë që lumi Drin të rrisë nivelin e prurjeve në liqenin e hidrocentralit të Fierzës, që është edhe liqeni më i madh i kaskadës së Drinit.
Rritja e sasisë së shkarkimeve nga liqeni i Ohrit ndikon drejtpërsëdrejti tek situata e përmbytjeve në zonën e Nënshkodrës dhe qytetit të Shkodrës.
Top Channel
