Studentët janë përleshur me policinë në Westminister të Londrës, gjatë protestave kundër planit të deputetëve për të rritur taksat në arsim deri në 9 mijë paund në vit.
Protestuesit kanë marshuar drejt Sheshit të Parlamentit dhe kanë tentuar të përcajnë kordonet policore.
Agjentët e policisë, të veshur me të zeza, janë rreshtuar prapa barrierave metalike që rrethojnë Dhomat e Parlamentit.
Disa protestues, të cilët kanë hedhur fishekzjarre ndaj forcave të rendit, janë zmbrapsur nga agjentët e pajisur me kuaj.
Mediat britanike raportojnë se një oficer policie është zbritur me dhunë nga kali dhe se ka mbetur i plagosur.
Studentët janë mbledhur në Londër nga gjithë Mbretëria e Bashkuar për të protestuar kundër propozimit. Policia pret që ata të shkojnë deri në 20 mijë.
Top Channel