Moratoriumi tre vjecar për pyjet dhe lumenjtë, studimi i deltave të lumenjve dhe rishikimi i buxhetit të ri, tre propozimet që sipas kryetarit të Partisë Socialiste, Edi Rama evitojnë përmbytjet në zonën e Shkodrës nuk duket se janë marrë në konsideratë nga kryeministri Sali Berisha.
I pyetur gjate nje konference me homologun slloven, nese do t’i pranoje keto propozime, kryeministri Berisha tha se qeveria disponon tashme 4 projekte te medha per nderhyrje teresore ne te gjithe zonen. Ato jane rindertimi i argjinaturave, bypass-i Shkodres, nje rruge qe pershkon bregun e liqenit me gjatesi 13 km dhe qe do te sherbeje si argjinature per te mos permbytur qytetin, faza e pare per thellimin e Bunes, nje marreveshje qe pritet te firmoset me Malin e Zi, si dhe ndertimi i hidrocentralit te Skavices, qe disiplinon Drinin e Zi nepermjet nje dige-argjinature.
“Jemi ne fazen e perzgjedhjes se projektit optimal. Ky hidrocentral eshte e vetmja veper publike, por kane shfaqur interes per financim grupe te fuqishme aziatike dhe europiane. Sic e shikoni, qeveria po ben gjithcka”, tha Berisha.
Por gjate pergjigjes se tij per propozimet e Edi Rames kryeministri Berisha ironizoi liderin e opozites, kur tregoi nje histori te nje shekulli me pare ne oborrin e mbretit malazez, nje i ftuar i te cilit i kerkoi pune mbretit ne oborrin e tij per te shtyre kohen.
Nderkohe, pertej batutave dhe ironizimeve te politikes shqiptare, kryeministri slloven, Bahut Pahor deklaroi se te enjten qeveria sllovene do te vendose per nje ndihme financiare.
Nga ana tjeter, per shkak te permbytjeve ne Shkoder eshte vendosur shtyrja e seances plenare te se enjtes, ndersa grupi parlamentar i Partise Demokratike, ka vendosur qe deputetet e tij te derdhin nga 50 mije leke te pages se tyre ne fondin e ndihmes per zonat e permbytura. Grupi i mazhorances njoftoi se deputetet e saj jane vene ne krye te nje fushate sensibilizuese per mbledhjen e ndihmave te solidaritetit per Shkodren dhe zonat e tjera te prekura nga permbytjet.
Top Channel
