Robinho mendon se Milani është “një ekip brazilian në shpirt” dhe kërkon të luajë për kuqezinjtë edhe 10 vite të tjera sepse futbolli italian i pëlqen dhe i shkon për shtat.
“Milan është si një ekip brazilian, e pamundur që mos të ndihem mirë këtu”, shprehet Robinho në një intervistë për ‘La Gazzetta dello Sport’.
“Futbolli anglez nuk i përshtatej karakteristikave të mia sepse luhej me shumë topa të gjatë dhe për një futbollist brazilian kjo nuk është gjë e mirë. Në Itali luhet një futboll që mua më pëlqen”, vazhdon Robinho.
Robinho është shok ekipi tek Milan me mikun e tij Ronaldinho, i cili nuk po kalon një moment të mirë dhe ka disa ndeshje që nuk niset si titullar.
“Asnjë futbollisti nuk i pëlqen të qëndrojë në stol, por Ronaldinho për mua është një lojtar fantastik dhe nëse është në formë bën diferencën”, shtoi sulmuesi brazilian.
Top Channel
