![](https://top-channel.tv/wp-content/uploads/2024/06/o-brien_sd-800x450.jpg)
Beogradi zyrtar ka përcaktuar platformën për dialogun me Prishtinën, e cila bazohet tek rezolutat parlamentare për Kosovën.
Lajmin e bëjnë të ditur mediat lokale, të cilat iu referohen burimeve pranë qeverisë serbe.
“Qeveria serbe ka hartuar platformën për dialog me përfaqësuesit e Prishtinës, e cila bazohet tek rezolutat parlamentare të miratuara për Kosovën”, shkruan e përditshmja “Danas”.
Por gazeta nuk ka publikuar detaje të kësaj platforme, pasi autoritetet vlerësojnë se, “paraqitja e tyre do të thotë të hedhësh kartat mbi tryezë para se të ketë filluar ndeshja”.
“Një gjë e tillë nuk do të ishte aspak e dobishme për ne”, ka deklaruar sekretari i shtetit në Ministrinë serbe për Kosovën, Oliver Ivanovic.
Top Channel