Ari Han, ish-trajneri i përfaqësueses shqiptare, që tashmë drejton skuadrën e Tianjin Tedan në Kinë, është gjobitur me shifrën e 500 mijë eurove (670 mijë dollarë amerikanë) nga FIFA.
Vendimi i Federatës Botërore të Futbollit lidhet me prishjen e njëanshme të kontratës nga ana e teknikut holandez, në periudhën kur ai drejtonte Kamerunin.
Çështja ishte hapur që prej vitit 2007. “(Han) është cilësuar fajtor për prishjen e kontratës që kishte nënshkruar me Federatën Kamerunase dhe urdhërohet të paguajë dëmshpërblimin”, theksonte FIFA në një deklaratë zyrtare.
62-vjeçari pritet që ta apelojë vendimin në Gjykatën e Arbitrazhit Sportiv. Han braktisi përfaqësuesen e “luanëve” vetëm gjashtë muaj pasi mori detyrën në gusht 2006, ndërsa është akuzuar nga federata se nuk jetonte në Kamerun dhe nuk kishte përpiluar asnjë plan vjeçar të punës.
Top Channel
