Me t’u bërë publik, mocioni për debat i Partisë Socialiste ka shkaktuar debate dhe polemika mes mazhorancës dhe opozitës.
Kryetarja e Kuvendit Jozefina Topalli sulmoi kreun socialist, Edi Rama se eshte terhequr nga kerkesa per shkarkim duke mos patur guxim ta sfidoje ate serish me numra.
Ndersa vete Rama u shpreh se procedurat per shkarkim nuk perjashtohen pas debatit per qeverine.
Nje dite me pas, socialistet sqarojne piketat ku do te bazohet ky mocion, qe sipas tyre ka per qellim nxjerrjen dhe evidentimin e pergjegjesive te kuvendit dhe qeverise perballe kritikave te forta te artikuluara sipas selise roze ne konkluzionet e Komisionit Europian.
Burime nga selia roze konfirmojne per Top Channel se pas perfundimit te mocionit me debat Partia Socialiste do te nise procedurat e shkarkimit te kryetares se kuvendit Jozefina Topalli.
Pikerisht kuvendi i Shqiperise do te jete institucioni qe do te perballet me akuzat me te forta nga ana e socialisteve pasi sipas tyre pikerisht nga ketu ka nisur formesimi i shkeljeve me te medha nga ato kushtetuese tek ato te rregullores se brendshme.
“Karriera e Topallit qe eshte njekohesisht edhe fytyra me e shemtuar e kesaj mazhorance, nuk janë shqetësimi ynë, por shkarkimi i Topallit do te ishte rrjedhoja më natyrale e ketij procesi qe ka kulmuar me raportin e KE per zhvillimet ne vend duke evidentuar krizat e njepasnjeshme qe ka sjelle kjo qeveri”, tha deputeti socialist Sajmir Tahiri.
Deputeti i Partise Socialiste theksoi se ky aksion politik i opozites eshte rrjedhoje natyrale e situates aktuale politike.
“Per sa kohe te gjitha ceshtjet lidhen me qeverine dhe me parlamentarizmin, pergjegjesite kryesore dalin nga ketu, dhe Topalli eshte pergjegjesja kryesore. Më pas vjen Berisha dhe shumica në përgjithësi”, tha Tahiri. Per opoziten ky moment duhet te analizohet dhe interpretohet me kujdes nga mazhoranca.
“Ne po japim nje shans dhe pushtetit te Berishes qe te reflektoje raportin e KE-se dhe qe bashkarisht te zgjidhim krizen politike, por edhe kriza te tjera qe e kane bere jeten e shqiptareve gjithnje e me te veshtire”, tha Tahiri.
Kerkesa per debat eshte depozituar ne Kuvend dhe konferenca e kryetareve do te vendose daten e diskutimit te tij ne seance.
Top Channel
