Zëvendëssekretarja e Përgjithshme e Këshillit të Europës Maud de Boer Buquichio ndodhet në Shqipëri dhe është pritur nga Presidenti i Republikës Bamir Topi.
Kreu i shtetit i ka bërë një panoramë të zhvillimeve në Shqipëri, kurse zonja de Boer Buquichio vuri në dukje ndihmesën e Këshillit të Evropës.Në takimin me kryeministrin Berisha, ky i fundit e ka njohur me zhvillimet politike në Shqipëri.
Rreth një vit më parë, një zgjidhje e mundshme e krizës politike u negociua nga një delegacion i lartë i Asamblesë Parlamentare të Këshillit të Europës, por pa sukses. Kryeministri theksoi në takimin me zëvendës-sekretaren e përgjithshme të Këshillit të Europës se ai është në pritje të propozimeve konkrete, në rrugë institucionale, në lidhje me çështjet e ngritura nga opozita. Në takimin me kryetarin e Partisë Socialiste Edi Rama, zonja de Boer Buquichio u me ofertën më të fundit që opozita i ka ofruar qeverisë për të nxjerrë Shqipërinë nga kriza politike, ofertë e cila iu dorezua vetë Kryeministrit nga Kryetari i opozitës.
Zoti Rama ka theksuar se kjo ofertë i është përshtatur fjalë për fjalë rezolutës së Parlamentit Europian për zgjidhjen e krizës përmes transparencës.
Top Channel
