Standartet e turizmit shqiptar janë diskutuar në një seminar në kryeqytet, mes Ministrisë së Turizmit, agjencive turistike dhe operatorëve vendas e të huaj.
Ministri shqiptar i Turizmit, Ferdinand Xhaferraj tha se këtë vit do të shënohen më shumë vizitorë sesa popullsia e vendit.
“Aktualisht turizmi ka rritur peshën në ekonomi dhe kemi një rritje pozitive të ecurisë së tregut të turizmit në vend. 2010-a mund të konsiderohet si viti i parë kur numri i vizitorëve kalon atë të popullsisë”, ka deklaruar Xhaferraj.
Ndërsa drejtori i misionit të USAID-it në Shqipëri, Joseph Williams deklaroi se Shqipëria duhet të përmirësojë vec infrastrukturës rrugore edhe cilësinë e shërbimit.
“Ne e dime që Shqipëria është një vend ku sektori i turizmit është kthyer në një sektor kyc. Por ka nevojë për ndryshime në infrastrukturë dhe jo vetëm në atë rrugore por edhe në shërbimin turistik”, është shprehur Williams.
Top Channel
