Policia e Tiranës identifikoi dhe shpalli në kërkim autorët e dyshuar për vrasjen e një shtetasi një ditë më parë në kryeqytet.
Sipas informacioneve të fundit të dyshuar për vrasjen e 40-vjecarit Mirash Prekës janë vëllezërit Arben dhe Alfred Gjergji.
Dy vëllëzerit dyshohet se vranë Prekën në shenjë hakmarrje, për një vrasje të kryer në Greqi nga viktima.
Mirash Preka u ekzekutua rreth orës 9 të mëngjesit të së dielës në rrugën “Jordan Misja” në kryeqytet, pak metra, larg burgut 313. Trupi i tij u gjet nga kalimtarët në afërsi të automjetit të tij.
Viktima me origjinë nga Kukësi, kishte disa vite që banonte me qira në Tiranë.
Top Channel
