Van Gaal kritikon Ribery
19/11/2010 18:00
Maratona e Tiranës rikthehet me edicionin e tetë më 20 tetor, çmimet për 4.000 garues 28/09 12:49
Trajneri i Bayern Munchen, Louis van Gaal, kritikoi ashpër Franck Ribery duke thënë që francezi duhet të punonte më shumë pas rikthimit nga dëmtimi që e mbajti jashtë fushave për shtatë javë.
Ribery luajti 75 minuta në ndeshjen miqësore që Bayern zhvilloi të mërkurën ndaj Unterhaching, por trajneri Van Gaal nuk ka mbetur i kënaqur nga niveli që tregoi mesfushori francez.
“Nuk u mundua fare dhe po luante i pamotivuar. Me të vërtetë gjynah!”, u shpreh Van Gaal në konferencën për shtyp sot, para ndeshjes që Bayern do të luajë ndaj Leverkusen.
Ribery dha një pasim për gol në miqësoren që ekipi i tij fitoi me rezultatin 2-1, por trajneri hollandez tha: “Asnjë nga futbollistët nuk dha maksimumin në fushë, por Ribery dha më pak nga të gjithë. Nuk shkaktoi asnjë problem për kundërshtarët. Këto ndeshje miqësore unë nuk i organizoj për vete.”
Bayern Munchen ndodhet i gjashti në klasifikimin e Bundesligës me 19 pikë në 12 ndeshje, pas një fillimi të vështirë për shkak të mungesave të rëndësishme si Robben, Klose, Oliç dhe vetë Ribery.
Top Channel
