Haxhi ngre në qiell Lorik Canën
19/11/2010 12:55
Botërori “kopjon” Super Bowl-in, finalja e madhe në Kupën e Botës 2026 do të ketë… Halftime Show 29/09 14:47
Që Goerge Haxhi e ka vlerësuar gjithnjë paraqitjen e Lorik Canës, kjo është një gjë që tashmë dihet. Me të marrë në dorë timonin e Gallatasarait, trajneri i ri rumun i skuadrës gjigante turke kërkoi menjëherë ndihmën e mesfushorit shqiptar, i cili nga tekniku i mëparshëm, holandezi Frenki Rajkard, ishte gozhduar në pankinë.
Por tashmë ka ardhur koha që të marrë edhe komplimentet e Haxhit, i cili e ka ngritur në qiell pas ndeshjes së javës së fundit, edhe pse Gallatasarai humbi.
Menjëherë pas përfundimit të takimit, trajneri rumun i është afruar mesfushorit shqiptar, të cilin e ka komplimentuar për paraqitjen shumë të mirë në fushën e lojës, duke e evidentuar si shumë efikas shpirtin e tij tepër luftarak.
“Ka zhvilluar një ndeshje me mish e me shpirt. Ka dhënë maksimumin në fushë dhe luajtur me zemër. Është një luftëtar i vërtetë”, ka thënë Haxhi më pas për gazetarët. Cana ishte i vetmi lojtar i Gallatasarait, që mori komplimentet e Haxhit.
Top Channel
