Sulmuesi i Liverpool, Fernando Torres, mohoi zërat se në fillim të këtij sezoni pati një mungesë besimi gjë e cila çoi në shënimin e shumë pak golave nga ana e tij.
Kampioni i Botës me Spanjën u shpreh se problemi i tij i vetëm ishin dëmtimet që e shoqëruan gjatë shtatë muajve të parë të vitit.
Torres shënoi të dielën dy gola ndaj Chelsea-t, ekipit që kryeson kampionatin anglez, duke i dhënë fitoren ekipit të tij me rezultatin 2-0.
“E dinim që po të fitonim ndeshjen do të kishim më shumë besim në vetvete”, u shpreh Torres për BBC Sports.
“Ekipi po përmirësohet dhe duhet të përqendrohemi në dy ndeshjet që do të luajmë në pesë ditë e ardhshme”, përfundoi Torres.
Liverpool, i nënti në renditjen e Premier League, do të luajë të mërkurën ndaj Wigan dhe të dielën ndaj Stoke.
Top Channel