Autoritetet gjeorgjiane kanë bërë të ditur se si kanë ndaluar disa muaj më parë një grup trafikantësh që po përpiqeshin të shisnin në tregun e zi uranium.
Personat e kapur, dy shtetas armenë, kaluan përtej kufirit në Gjeorgji gjatë natës, para se të arrestoheshin përmes një operacioni blic.
Uraniumi i pasuruar mund të përdoret për krijimin e bombave atomike dhe ekspertët druhen se sasi të tjera mund të jenë trafikuar në rajon dhe të kenë rënë në duart e terroristëve.
Hetuesit gjeorgjianë deklarojnë se më herët, në muajin mars, dy armenët kishin fshehur uraniumin e pasuruar në një konteiner cigaresh, e kishin futur atë në një tren që kalonte nga Jerevani në Tbilisi dhe më pas kishin kaluar edhe vetë kufirin.
Ndërkohë që mendonin se po i shisnin një kampion prej 18 gramësh një grupi terrorist islamik, ata ranë në grackën e një oficeri të infiltruar në Tbilisi.
Top Channel
