Milan, sherr Ibra-Onyewu
05/11/2010 18:40
Spektakël i garantuar në Euro 2024/ Pretendentët luajnë në të njëjtën anë, Italia sheh rrezik vetëm nga… Anglia 26/06 09:29
Në seancën e sotme stërvitore në Milanello Ibrahimoviç dhe Onyewu janë zënë për shkak të një faulli të suedezit ndaj mbrojtësit amerikan.
Një ndërhyrje në rrëshkitje e sipër e Ibrahimoviç, jo dhe aq e rëndë, nuk “kapërdihet” lehtë nga Onyewu. Mbrojtësi 1.95 metra i gjatë ngrihet dhe i vë duart në fyt sulmuesit suedez, i cili reagon menjëherë.
Shpërthen në këtë mënyrë një sherr i dhunshëm verbal dhe fizik.
Shokët ndërhyjnë menjëherë për t’i ndarë por dy lojtarët janë shumë të fuqishëm fizikisht dhe në fund trajneri i Milanit, Allegri, detyrohet të ndërpresë stërvitjen.
Reagimi i Onyewu mund të shpjegohet me faktin se amerikani, i cili ka ardhur tek Milani në vitin 2009, ka ndenjur larg fushave të lojës për një vit për shkak të një dëmtimi të rëndë dhe ndërhyrja e Ibrahimoviç mbase e ka trembur.
Top Channel
