Tregjet botërore të aksioneve janë hapur më të larta, ndërsa dollari amerikan ka pësuar rënie pasi investitorët u njohën me njoftimin e Federal Reserve për injektimin e 600 miliardë dollarëve në ekonominë amerikane.
Lëvizja në fjalë ishte e pritshme, edhe pse shumë analistë kishin parashikuar se ajo do të ishte më e ulët, të paktën 500 miliardë dollarë.
Aksionet në bursat e Londrës, Parisit dhe Frankfurtit u rritën të gjitha me mbi 1 për qind brenda mesditës, ndërkohë që dollari amerikan ra përballë euros dhe paundi britanik përballë jenit japonez.
Euroja u ble me 1.4231 dollarë paraditen e sotme në tregjet evropiane dhe me mbi 1.4103 dollarë në orët e fundit të së mërkurës në Nju Jork.
Ndërsa paundi u ngjit në 1.6231 dollarë nga 1.6107, ndërsa ndaj jenit valuta amerikane rrëshqiti nga 81.29 jen në 80.89.
Top Channel
