Van Gaal: I zhgënjyer nga Hoeness
02/11/2010 21:30
Atletiko dhe Real Madrid ndajnë nga një pikë, tensione në “Metropolitano Stadium” 29/09 22:49
Trajneri i Bayern Munchen, Louis van Gaal, u shpreh shumë i zhgënjyer nga fjalët e presidentit të klubit, Uli Hoeness, i cili e akuzoi hollandezin se nuk pranonte mendimin e të tjerëve.
“Nuk dua të kundërshtoj fjalët e Hoeness sepse tek Bayern unë kam vetëm një vit e tre muaj, por mendoj se një njeri kaq i rëndësishëm i klubit duhet të marrë parasysh pasojat e deklaratave të tij”, deklaroi Van Gaal në Rumani, ku nesër, Bayern Munchen do të luajë ndaj Cluj.
“Jam i zhgënjyer, shumë i zhgënjyer që presidenti im thotë gjëra të tilla për mua”, vazhdon tekniku hollandez.
Një nga kritikat e Hoeness ishte se Van Gaal nuk i ka dhënë shumë minuta lojtarëve si Martin Demichelis dhe Anatoliy Tymoshchuk, të cilët kërkojnë të largohen në merkaton e janarit.
“Jam i habitur se si Hoeness i ka thënë këto gjëra tani që kemi edhe nëntë lojtarë të dëmtuar”, përfundoi Van Gaal, i cili zgjati kontratën e tij me klubin bavarez deri në vitin 2012, muajin e kaluar.
Top Channel
