Obama: Pakot synonin organizatat hebraike
30/10/2010 00:50
Presidenti amerikan gjatë fjalimit të tij për mediat pas ndalimit të dy pakove me eksplozivë në Britani dhe Dubai tha se objektivi i Al Kaedas në këto sulme ishin organizatat fetare hebraike në SHBA.
Kreu i Shtëpisë së Bardhë nënvizoi se Al Kaeda vazhdon të projektojë nga Jemeni sulme terrosite me objektiv Shtetet e Bashkuara. Obama shtoi se objektivi i Uashingtonit tashmë është shkatërrimi i bazës së Al Kaedas në shtetin e Gadishullit Arab.
Kur ende nuk është marrë nga asnjë grup terrorist përgjegjësia për sulmet e mbetura në tentativë, autoritetet amerikane dyshojnë fort se ato janë ndërmarrë nga AQAB, qelizë e Al Kaedas në Jemen.
Top Channel